Falls der Leser dieser Geschichte ein sich auf einen

Falls der Leser dieser Geschichte ein sich auf einen, in sauberen Hochdeutsch gehaltenen Text gefreut hat, tja. Diese Hoffnungen werden spaetestens jetzt zerplatzen wie eine Seifenblase, welche sich zu ansehlicher groesse aufgeblasen hat und nun afgrund nicht vorhandener oberflaechenspannung zu verenden droht. denn dieser text wird nicht sauber und anstaendig sein, nein. Passt auf den jetzt wirds haarig und dreckig, lustig und eckig. meine Damen und Herren, ich praesentiere: shwiizerduetsh! Also, i han die glorrich idee gha oeppis ueber Neuseeland im Generelle z'shriebe. So ueber was mer alles so beachte soett und was mer uf kein fall mache soet. Da ich i beidne Kategorie mindestens eis mal is faettnaepfli trette bin. Hey zemme, min Name ish Sven und i werde de erst Sshwiizer sii wo sich da, bi de international students stories verewigt. Natuerli hend die Spiiser da ned so Freud gha wo i de Vorshlag bracht han. I mein, i chas natuerli nahvollzieh. Abr trotzdem. Waer sho na lustig gsi und vor allem sehr hilfriich fuer all die liebe Shwiizer wo hoffentli mal nach Mt.Maunganui choemed. Abr en chline Crash-Kurs ueber die drue Regle gib i etz eineweg na. :) Beachte: Niemals din Senf dezue geh wie Kiwis essed. Min Opa wo sis lebenswerk drin gseh het mir ahstendigi Tishmaniere bi z'bringe het wahrshinli en Ahfall becho. Abr nur muet, mer gwoehnt sich dra. I merks etz amigs sho fast nueme, odr tue wenigstens so. Ned mache: Niemals ueber d'Shueluniform lache odr sich sogar widersetze. D'Lehrer finded nix so unglaublich shlimm wie ned ordnigsgemaes treiti Shueluniform. Usserdem soett mer sich sehr shnell ah de Linksverkehr gwoehne. Sust bish shnell Matsh. Okey, also und etz zu was ich eigentlich verordned worde bin: drama. Also ned das ihr mir etz denked das i etz eu da mini Gfuehl usshuette, nei nei. I treg min Chummer wie en richtige Mah und flenne nu ganz eleige im WC wo mi Niemert chan gseh. Wenn i drama seg, den meini drama als Fach wo mer da ah de Shuel waehle chan. Es handlet sich dadebi um Theater (ich bin ueberzuegt etz sind er ueberrast). I muess ehrlich sege es ish eigentlich na ganz lustig gsi, am ahfang vom Jahr. Was du hauptsaechlich machsh, sind unterhaltsahmi Spiel wo uf Shauspielkust begruendet. E sehr gshickti Art und Wies, Wuesse z'vermittle. I hans uf jedefall sehr unterhaltsahm gfunde. S'einzige Problem, wo sich fuer mi erst nach de erste paar moenet usekristallisiert het ish de Lehrer. Mr. Flanagan. Er cha sehr liebreizend si. Fruendlich und nachsichtig i jedem Belange. Und nu eis, er ish ned shwuhl. Au wenns uf de erst Blick und Ihdruck so shient. Guet ihr choented eu etz frage was dadra so shlimm soett si. Und mini ehrlich Antwort ish, gar nix. Abr s'Problem ish, dass das nu es paar vo sine Facette sind. Er het nemli en sehr sprughafte Charackter. Es paar Shueler reded hinter vorgealtener Hand vo "schizophrenic". I weiss abr ehlich gseit ned ganz was i devo halte soell. I chan drama ned allne empfehle. Wenn ihr ned so en starche charackter hend odr eu ned getraued, eu vor Publikum zum Affe z'mache, ish es wahrshienli ned so ganz s'richtige fuer eu. Wenn ihr abr zu de Sorte Luet ghoered wo sich selber als totali Idiote anestelle abr debi glich na en Rest a ernsthaftigkeit wahre chend, sind er genau richtig. Ich selber mach nuent so gern wie Anderi zum lache z'bringe (villicht kenned er s'Kabaret Duo "nimm 2 soft". Wahrshienli ned. Egal.) und uf de Buehni bini praktish ufgwachse. I hans wuerkli sehr unterhaltsahm und lustig gfunde. Uf jede fall ish es e Abwechslig vo de andere, eher strikter ghaltene Faecher. Im zwote Abshnitt vo dem Text moecht i sehr gern ueber "Stage Challenge" rede. Es handlet sich debi um e Competition zwueshed userwaehlte Shuele us ganz Neuseeland. Also en Event uf internationalem Level. I cha eu wuerkli nu beshwoere das ihr Teil vo dem werded. Es ish wuerkli mega genial. Es laht sich am beste mit emne Musical vergliche. Nu, das i dem Musical ned gsunge wird und es nur ungefaehr 20 Minute lang ish. D'Stage Challenge bestaht us sechs vershiedene Scene und verzellt e lustigi, trurigi odr eifach unterhaltsahmi Gshicht, ganz ohni Wort. Wenn er mit mache wend moend er abr das ganze Zueg im Aug bhalte. Well en platz in Stage Challenge ish ned nu bi de internationale Shueler begehrt und es sind nur 140 Plaetz frei. Etz gnueg vo wege Werbig mache (hehe, het es shoens Zaehnernoetli defuer geh), i verzell etz chli ueber "uesi" Stage Challenge. Ueses Thema ish gsi "Lost in Paris". Also i mein, nur sho de Name haut ein um, odr? Neh etz im Ernst, wo i de Name zum erste Mal ghoert han, han i denkt: "Ish jah super. Freude herrsht." Guet, zum's eifacher sege, i ha ned sooooo Freud gha. Es het sich aber als doch na ziemli cool usegstellt. Ihr moend eu eifach uf es paar sehr usbuechti Wuchene vorbereite. Well mer erwartet vo eu das er usnahmslos zu jedere Prob choemed. Ihr werded eu am Ahfang vermuetlich es bitz verarsht vorcho, well i de erste paar Probene hend er vilicht fuer 20 Minute was zum tue. Und e ganzi Prob duret mehreri Stunde. Abr nur Muet, spoehtestens nach de zwote Wuche sind er voll involviert. Naebet de Tatsach das das ganze denn in Auckland vorgfuehrt und im Fernseh usgstrahlet wird, bueted d'Stage Challenge au sehr vill Moeglichkeite neui Luet kenne z'lerne. Und, by the way, fuer alli maennliche Leser unter eu: De Fraueahteil betreit ungefaehr 90 : 1. Also ran an den Speck! ;) Nachtrag: Mer hend d'Stage Challenge voll verlore. Nach all dene lange und ermuedende Wuche voller harter Arbet. Alles fuer nuent. Jah guet, das toent etz so als ob mi das wuerkli kuemmere wuer. Es tuets ned. I ha's intressat gnueg gfunde, eifech mal die andere Shuele vo Neuseeland z'gseh. S'Lustige ish gsi, das alli andere Shuele denkt hend das uesi Stage Performance wuer gwuenne. Waehrend mir eifech nur es Bild der Enttaushung gsi sind, sind die andere Shuele es Bild fuer Goetter gsi. Mit ihrne wiit ufgrissne Auge und offe stehende Mueler. :) Oh well. Das ish en chline Bricht gsi ueber Drama und Stage Challenge. Ich moechti jah eigentli na vill meh verzelle, vill meh nuetzlichs und hilfriichs. Abr das darf i ned. I han moesse de Saich shriebe. Mini ganze Stories ueber Strand, Surfe, mini Fruendin, Parties, Hangovers, die herrlich Umgebig und de ganz Sheiss wo i mit mine Fruende ahgstellt han. Abr nei. Das darf natuerli ned i mini Student Story. Wenn er abr glich na gern es paar Informatione meh hetted oder eifech chli besser wend Bsheid wuesse ueber Mt.Maunganui College, choend er mer suest es Mail shicke. Ich werd alli Frage so guet wie moeglich beantworte :) Mini Addresse wer: sven@drehpunkt.ch Also, macheds guet und bliebed suber. I hoff i gend mal nach Neuseeland, es lohnt sich. xx